紅糖

营业中

休息中

无敌海景，舒服宽敞的环境叹点心，点心卖相非常精致，味道亦好出色，睇得又好食，主食都不容错过，绝对值得一试！「金鱼饺」系招牌菜，金鱼外型做得好细致，连鱼的鳞片纹理都整到，再摆上去靓靓的碗中真系栩栩如生，绝对唔系得个样，饺皮好出色，猪肉馅好味加埋下面的高汤芡汁超好食。其他饺类点心都各有特色，包括「鱼子金箔带子饺」、「松露野菌饺」、「双籽鳕鱼蟹肉饺」。炸物的卖相同样有心思，好高质。「一口烧鹅酥」酥皮超松化完全唔油腻，烧鹅馅好香好好味。「香梨咸水角」香脆亦带软糯。「日本大根萝卜丝酥饼」个酥饼同样出色。「雪山和牛餐包」个雪山皮松脆里面黑椒和牛馅劲惹味！「XO酱炒萝卜糕」带辣劲但又够咸香，萝卜糕有先轻轻炸过再炒，所以外脆内绵，非常推荐。枫糖黑豚肉叉烧 $338定价都几贵，$338厚切8块，一块都$42🙈 但的确好好食，半肥瘦肉质非常软腍亦锁住肉汁，外面有微焦香枫糖浆唔会过甜，系高质既但值唔值得$388就见仁见智🙈龙门炒鸳鸯米 $248另外炒米都非常出色，米粉炒得好干身一点都不油腻，有叉烧有虾仁好足料，味道亦调教得好好。