影片
更多
2022-11-18
1010 浏览
之前已经嚟过一次呢间日式料理 @shika_teppan_yaki 食厨师发板🙈觉得好有惊喜 相当有水准👍🏻难得同👦🏻纪念日快到 一于去食佢哋嘅铁板烧💓铁板烧有多个套餐 有鲍鱼、象拔蚌、龙虾等 今次叫咗龙虾二人餐 一张枱最多只可以八个人坐 师父净系服侍四枱 呢个用餐体验真系满足🙌🏻🦞龙虾铁板烧 二人前🦞▫️龙虾福袋、合桃沙律一坐低就会有两款前菜 一款冻食 一款热食 龙虾福袋 用腐皮包住龙虾肉馅 啖啖肉好鲜味 关东煮汁亦都有萝卜 食落浓郁入味！另一款系沙律配酸汁 合桃有咬口 好开胃嘅前菜✨▫️汁煮白鳕鱼呢款系我当日最爱💓用咗南极深海鳕鱼制成 煎到表面金黄色 厚身结实 食落啖啖肉又有鲜味 鱼皮系粗鳞 煎香左 口感酥脆唔油腻 再配埋洋葱蒜片 清新香口！▫️澳洲龙虾配海胆汁龙虾每日新鲜送到 酱汁系混有龙虾膏嘅海胆汁 散发住极香浓海鲜味 食落鲜甜弹牙 啖啖肉 火候掌握得非常好 最后以碎花伴碟 色香味俱全 打卡都一流✨▫️蒜蓉炒日本天白干花菇用蒜蓉炒日本干花菇 厚身爽口 香浓入味 蒜蓉切碎爆香 食落蒜味十足 鲜香味喺口腔徘徊💓▫️日本产 A5黑毛厚烧和牛师傅一开始会问我哋要几多成熟 👦🏻唔食得太生 要7成熟
之前已经嚟过一次呢间日式料理 @shika_teppan_yaki 食厨师发板🙈觉得好有惊喜 相当有水准👍🏻难得同👦🏻纪念日快到 一于去食佢哋嘅铁板烧💓铁板烧有多个套餐 有鲍鱼、象拔蚌、龙虾等 今次叫咗龙虾二人餐 一张枱最多只可以八个人坐 师父净系服侍四枱 呢个用餐体验真系满足🙌🏻
🦞龙虾铁板烧 二人前🦞
▫️龙虾福袋、合桃沙律
一坐低就会有两款前菜 一款冻食 一款热食
龙虾福袋 用腐皮包住龙虾肉馅 啖啖肉好鲜味 关东煮汁亦都有萝卜 食落浓郁入味！另一款系沙律配酸汁 合桃有咬口 好开胃嘅前菜✨
▫️汁煮白鳕鱼
呢款系我当日最爱💓用咗南极深海鳕鱼制成 煎到表面金黄色 厚身结实 食落啖啖肉又有鲜味 鱼皮系粗鳞 煎香左 口感酥脆唔油腻 再配埋洋葱蒜片 清新香口！
▫️澳洲龙虾配海胆汁
龙虾每日新鲜送到 酱汁系混有龙虾膏嘅海胆汁 散发住极香浓海鲜味 食落鲜甜弹牙 啖啖肉 火候掌握得非常好 最后以碎花伴碟 色香味俱全 打卡都一流✨
▫️蒜蓉炒日本天白干花菇
用蒜蓉炒日本干花菇 厚身爽口 香浓入味 蒜蓉切碎爆香 食落蒜味十足 鲜香味喺口腔徘徊💓
▫️日本产 A5黑毛厚烧和牛
师傅一开始会问我哋要几多成熟 👦🏻唔食得太生 要7成熟 酱汁系红酒车厘子汁 再配埋海盐、羽衣甘蓝 、番薯同蒜片 食落口软嫩 肉味十级重😍油脂感满满 入口即溶 油脂爆晒出泥 最爱配搭埋蒜片🧄真系齿颊留香！
▫️瑶柱饭
用左日本米炒 再加入蛋、瑶柱、洋葱粒同红萝卜粒 食落干身 粒粒分明 好饱肚！
▫️自家制鸡汤
鸡汤睇落清澈 好重鸡味 有虾仁、松茸菇 好暖胃
▫️甜品(静冈蜜瓜 豆腐雪糕)
甜品方面有雪糕同蜜瓜拣 我地各要一款 静冈蜜瓜清甜多汁 好淋解腻！豆腐雪糕香滑浓郁 好满足🙌🏻
张贴
