星記海鮮飯店 (一號廣場)

营业中

休息中

俗语有云：「冬大过年」，冬至当然要同屋企人食番餐好。我就特登拣左呢间位于中环嘅星记海鲜饭店同屋企人做冬。餐厅曾多次获得米芝莲推介，非常把炮，屋企人同我都好期待。可能因为近住冬至嘅关系，我地去到当日都满席，好彩有预先订位。我地分别拣左几款家常菜式，全部味道都唔错。✨椒盐百福豆腐椒盐豆腐系一道几花技巧嘅菜式，屋企平时都好少煮，出到黎当然要点。豆腐外皮香脆，炸粉唔会太厚，豆腐嫩滑豆香味浓。✨ 豆豉粹爽虾蒸鲜肉饼平时食开都系咸鱼或土龟蒸肉饼多，爽虾蒸肉饼就比较少见，非常岩送饭嘅家常菜。✨ 辉哥煎咸鸡同样非常家常嘅一道菜，鸡件以蒜头同香葱炒香，锅气十足。✨ 星记小炒王小炒王都系好岩送饭嘅一味菜式 我最钟意入面幼嫩嘅韮菜 味道唔错。