滾喜火鍋專門店 (已結業)

睇完网上某影片介绍就去试，结果系同网上介绍嘅接近一模一样，我冇食个麻辣或芝士鸡煲因为一来我觉得任食嘅鸡煲系冇可能会比得上某啲特式小店嘅味道，二来唔想未食其他嘢就俾芝士呢类嘢质饱咗一半个肚，汤底求其要个猪骨汤，我升级至最贵可任食特级安格斯牛肉同桶蚝，先试唔使加钱最cheap𠮶只肥牛，冇比较下系ok可以嘅，然后试只加$20嘅安格斯牛，有比较下实在争几远好味同嫩滑好多，咁最平𠮶只牛可以收工唔会再叫，再试加$90最贵嘅特级安格斯牛，其实同$20𠮶只争得唔远只系油脂纹分布靓啲同肥多少少，反而女仔多数钟意食瘦嘅话可能钟意普通𠮶只安格斯添，桶蚝非常大只口感一流，嘢食款式唔算好多但质素以放题级数计算系非常之高，有放题少出现嘅蜂巢豆腐，白鳝片第一碟嚟普普通通第二碟嚟超级弹牙非常好食，云呑非常好食不似任食质素，虾俾海虾而唔系俾较平嘅基围虾或草虾呢点要大赞，其他食物都ok，饮品任饮但款式唔算多，环境我因为坐卡位所以都几舒适，服务态度店员几有礼貌，就快够钟亦冇吹我地直至已过咗5分钟先提我地(外面仍有人等位)，点完食物上菜速度好快冇dum波钟，个人认为$300左右有咁嘅质素食物环境虽未算好超值但绝对可以一试绝对