高麗軒韓國餐廳

营业中

休息中

今晚同老公去北角探姑妈，之后一齐去咗高丽轩韩国餐厅食韩烧，姑妈话呢间好味又抵食，全部任饮任食都系一个价钱，叫我哋试吓！餐厅地方都好大，地方整洁冇油烟，座位以卡座为主，坐得舒服。食物方面都好新鲜，处理得干净卫生。加38蚊可升级任食帆立贝、带子、羊架。每样食一次都抵啦！何况系任食！尤其系羊架，已经用香草等调味料腌好，烧出嚟肉质鲜嫩又入味。肉眼扒、肉眼扒、牛肋骨肉，牛肉不宜烧得耐，比较喜欢腌过嘅肉，食落系特别入味。黑毛猪腩、猪肉、辣汁五花腩，腌过嘅猪肉和辣嘅五花腩比较惹味！其他还有青口、鱼柳、秋刀鱼、鲜鱿鱼、鸡翼、鸡肉、鸡肉肠等，食物方面选择都好多！另外还有熟食选择，海鲜煎饼煎得香脆可口，蛋包鱼外脆肉嫩，人参鸡汤好香参味。雪糕、饮品系自助。任饮任食。