CHEF STAGE de Eddy Chu (已結業)

今日嚟庆祝生日，真系有惊喜，因为呢间餐厅高质素但超值。首先餐厅位于19/F，整个餐厅都可以望到维港海景，净系呢点已经可以收你800蚊以上一个人。食物质素有保证，唔系一般西餐，有fusion 嘅创作西餐，仲要有Tasting Menu只系收388蚊一位，试足7道菜，样样细细件又可以试多唔同款式，味蕾享受。生日仲可以叫呢个餐第二位半价，仲要有精致甜品送。最最惊喜系仲有驻场歌手为你唱生日歌，完全惊喜又开心，仲要会唔止一次唱埋你个名，真系好surprise 😲所以成餐饭食得非常开心又尽兴，重点系我系半岛食生日饭一样系呢个景，要1500蚊一位，呢度居然755蚊埋单，仲要另外叫左两杯Cocktail 🍹 所以一定要大大力推荐。跟餐叫红白酒都系45蚊一杯，就算开支酒都唔驶300蚊好抵，出面餐厅求其开枝都要750蚊支。