御品·千之味 (深水埗) (已結業)

今晚经过深水埗见到呢间寿司店，于是入去睇吓有咩食，望一望个餐牌，虽然呢间系寿司刺身店，但佢哋都有唔同嘅日式料理食，见到佢有各式各样嘅鱼生饭，款式种类非常多，搞到我都唔知点拣，最后我拣咗一个五色鱼生饭套餐，呢个饭餐有一个餐饮，另外再可以追加一啲鱼生或者饺子等等，我就追加咗佢个赤虾刺身，之后再加多几款寿司，佢寿司嘅种类都好多，我当然就梗系拣我嘅至爱赤贝寿司同埋吞拿鱼寿司，仲有三文鱼子寿司啦，首先讲话佢个鱼生饭，饭同鱼生嘅比例啱啱好，而且鱼生非常新鲜，饭亦都有日本米嘅味道，分量啱啱好唔会太过饱等我可以试多几款寿司，而赤贝寿司同吞拿鱼寿司，赤贝非常之有鲜味，而吞拿鱼就入口即溶，唔会有啲鱼筋痴牙，三文鱼子寿司，粒粒鱼子，喺口入边爆开嘅感觉真系好幸福，值得一提，系佢个赤虾，非常大只新鲜鲜甜，虾头有非常多嘅虾膏，佢个清酒煮蚬都非常出色，蚬肉鲜甜，朔晒啲酒味，最后，佢除咗呢啲刺身同寿司同埋鱼生饭之外，佢都有一啲乌冬嘅定食，睇图片都非常吸引，下次嚟我都会试吓佢个乌冬同埋拉面定食。