Green Ocean Seafood

营业中

休息中

午餐包冻热饮品或特饮。咸柠菊花蜜，咸柠味劲出，冚咗菊花蜜嘅甜味。青柠梳打，清爽微酸。西班牙黑毛猪腩扒配薯菜（$88）15分钟上枱。两块猪腩扒，煎得好靓，表面微脆，肉质软嫩兼爽口，调味足，虽然有提供酱汁，但唔点都够哂味。薯条温热微脆；四季豆爽脆无草青味，有调味煮过；车厘茄微酸。招牌脆皮烧鸡半只配薯菜（$88）20分钟上枱。半只春鸡都算大只，坚炸得好正，鸡皮脆口，鸡肉嫩滑，而且仲有肉汁，就算胸位都唔嚡，调味足，真心觉得好食。呢间餐厅位置比较偏僻，无车真系唔太方便，但平日午市时间，客人都唔少（而且感觉好多熟客），我估假日应该更多人。PS：午市没有加一服务费。午市只收现金。