老鍋台式火鍋 (金馬倫道) (已結業)

今晚同女朋友去尖沙咀老锅打边炉，睇openrice 通常多人叫酸菜白肉或者麻辣锅，就一于要个酸菜白肉试一试。虽然话平日，但都接近满座，好彩女友book左位。坐低左之后选完野食，就自己出去自助酱油区攞酱油混下酱。火锅一来的，打开个盖，材料都好多，粟米、番茄、猪肉、捞捞下个底仲有薯粉，薯粉食落几弹牙。女友话想试千张豆叶纸，因为未试过。呢个豆叶纸都几薄身，而且都有少少豆香，就算汤底咁浓，都仲食到少少豆味。我地仲叫做老锅丸饺九井字盘，一个盘有几款丸，一次过试几款，性价比高。我见得薯粉唔够喉，叫多个王子面,其实是公仔面。