影片
更多
2019-08-17
80 浏览
是日约咗一个好好嘅旧同事出嚟聚旧，由于迁就大家嘅方便，最后都系决定喺荃湾度食饭，之前印象记得荃湾千色汇𠮶边有一间火锅放题，座位都几阔落，啱晒我哋呢啲想坐得舒舒服服倾下偈嘅人去。一如以往，餐厅嘅门口亦都非常之和风，摆放咗好多假樱花同埋许愿木版。先拣个汤底，我哋拣一个牛乳牛骨汤底，闻落系几香牛奶味嘅，汤底仲有几嚿类似牛腩嘅东西，十分足料。一坐低，我哋谂住食好啲，所以就拣咗298嘅套餐。呢个套餐非常丰富，不单止有和牛，仲有美国肥牛，羊肉等等。一上菜嘅时候分量非常之多，多到我哋都吓咗一跳，我哋一男一女嘅食量根本就食唔晒咁多嘢。其中和牛系特别大盒嘅，食落去肉质都系非常滑同淋嘅，亦完全唔觉得佢肥腻。由于肉类一上就有几盒，都唔系太分辨边种肉系边种肉，整体质素都系唔错嘅。298嘅套餐可以免费有刺身食，噉我哋都随量叫咗些少。三文鱼同带子都几新鲜，甜虾亦都够细滑，北寄贝亦都几好咬口。298套餐另一个卖点就系附送海鲜拼盘，有墨鱼仔，青口，海虾，蟹棒等等。印象较深刻就系串串墨鱼仔，份量都几多，而且食落几烟韧，唔错唔错。自取部分有唔同嘅丸类同埋蔬菜类，款式都算几多。另外呢度可以比大家自己整天妇罗嚟食，喺呢度嘅卖
是日约咗一个好好嘅旧同事出嚟聚旧，由于迁就大家嘅方便，最后都系决定喺荃湾度食饭，之前印象记得荃湾千色汇𠮶边有一间火锅放题，座位都几阔落，啱晒我哋呢啲想坐得舒舒服服倾下偈嘅人去。
一如以往，餐厅嘅门口亦都非常之和风，摆放咗好多假樱花同埋许愿木版。
先拣个汤底，我哋拣一个牛乳牛骨汤底，闻落系几香牛奶味嘅，汤底仲有几嚿类似牛腩嘅东西，十分足料。
一坐低，我哋谂住食好啲，所以就拣咗298嘅套餐。呢个套餐非常丰富，不单止有和牛，仲有美国肥牛，羊肉等等。一上菜嘅时候分量非常之多，多到我哋都吓咗一跳，我哋一男一女嘅食量根本就食唔晒咁多嘢。其中和牛系特别大盒嘅，食落去肉质都系非常滑同淋嘅，亦完全唔觉得佢肥腻。由于肉类一上就有几盒，都唔系太分辨边种肉系边种肉，整体质素都系唔错嘅。
298嘅套餐可以免费有刺身食，噉我哋都随量叫咗些少。三文鱼同带子都几新鲜，甜虾亦都够细滑，北寄贝亦都几好咬口。
298套餐另一个卖点就系附送海鲜拼盘，有墨鱼仔，青口，海虾，蟹棒等等。印象较深刻就系串串墨鱼仔，份量都几多，而且食落几烟韧，唔错唔错。
自取部分有唔同嘅丸类同埋蔬菜类，款式都算几多。
另外呢度可以比大家自己整天妇罗嚟食，喺呢度嘅卖点之一，可惜我哋食完啲牛肉已经饱晒，冇机会试到佢哋喇。
甜品方面都有雪米糍同雪条等等，质素同款式都系一般正常放题嘅水平啦。饮品方面就非酒精就免费任饮，酒精就好似加多30。
总结，食物质素几好，重点系坐得舒服嘅放题真系买少见少，值得推荐。
张贴
