M3 Italian (已結業)

同朋友去到沙田河畔花园附近的「M3 Italian」试吓意大利菜，好彩我哋比较夜少少去到，就唔使等位。我哋已经急不及待叫咗几样食物先，首先就系小食「炸杂锦三式」、「四式芝士薄饼」、「黑松露野菌烧带子意大利粉」、「西班牙烧乳猪配薯蓉及红椰菜」同埋「烤安格斯西冷扒配芦笋苗焗蒜头及肠薯仔」，三个人share食。我最欣赏就系佢啲主菜，意大利粉有我最钟意嘅黑松露味道，而且黑松露味道渗入意大利粉，食起嚟非常浓郁嘅味道，意粉入面嘅带子半熟，咬落去好有质感。另外个乳猪卖相好吸引，份量都好多，差不多有半只乳猪，见到外皮香脆，入面嘅肉质鲜嫩，食落去满口都系新鲜乳猪味道，绝对唔油腻，非常好味道啊。牛扒都系我哋嘅至爱，最欣赏佢系煎到块牛扒六七成熟，牛扒中间真系有鲜嫩嘅粉红色，所以食落去个口感都系比较「林」身，而且好香口，好惹味既香煎味道，冇得顶，难怪有咁多人帮衬。