Running 燒 (已結業)

同事们话好耐冇一齐出去食饭，今晚放工就去旺角揾食，有同事话想食Running 烧放题，话佢哋食物质素唔错，价钱公道。而且啤酒汽水都系任饮，大家可以边食边倾，开开心心食返餐！餐厅抽气做得好好，唔会话周围都系烟,而且用手机落单，方便又环保！烧肉放题以肉类为主，亦有海鲜、蔬菜、小食，饭面等。等待烧肉时，先来些熟食，韩式炸鸡当然系首选，即叫即做，外脆肉嫩，加上酸甜汁更惹味！咁多种烧烤食物，海鲜系我首选，蒜蓉芝士生蚝：生蚝大只好新鲜，加上蒜蓉芝士，烧出嚟蚝味浓郁，蒜蓉芝士又惹味，食完一只接一只停不了口！带子、扇贝不用烧太耐，食落口感鲜嫩。大虾新鲜好大只，味道鲜甜又弹牙。龙脷鱼片肉质幼滑香软。煎鲭鱼香喷喷，肉质肥嫩 ，油脂非常丰富 。肉类有猪、牛、羊和鸡，有些用调味料腌过，有辣有唔辣，非常入味！肉质鲜嫩有口感，没有腌过的肉，可点些酱汁调味，令肉味更提升。最后每人会有一支韩国MELONA雪条，我比较喜欢蜜瓜味，味道香甜，蜜瓜味浓郁。