Hunger Strike (第三街) (已結業)

今日又落到嚟西营盘食新嘢，自从地铁开通后，就开咗好多小店，今次就试呢间墨西哥餐厅！店面虽然好似好细，但其实入面有个后花园，而且悉心布置，可以俾人影相打卡👍🏻而我就同朋友坐窗边嘅bar枱仔，望下街景，都系唔错嘅位置！至于食物方面，我同朋友就想试下墨西哥馅饼同烤饼嘅分别，就点咗一个猪颈肉墨西哥烤饼同招牌烤鸡肉烤饼，再升级做combo! 店员系即叫即煮，非常新鲜，烤饼同墨西哥馅饼都系热辣辣，好软煮嘅口感，再加上啲汁令到成个饼好juicy, 唔会太干身，配合起上嚟，真系非常惹味，而且猪颈肉口感唔错，有弹性，鸡肉就够淋身，十分美味，配埋个薯条同汽水，简直一流！