海底撈火鍋 (海之戀商場)

营业中

休息中

冬至打算同家人去食野，呢排天气冻决定食火锅。打电话到海底捞订坐，只能订到5：00 pm的时间，好在太太冬至收四点，收工赶到时间岩岩好。需然知道海底捞服务好好，带BB去应该有玩具送。但收到玩具时都有惊喜，唔知系咪个仔可爱，今次收到两份玩具，一个玩具飞机同摇鼓。全程饮食都有人跟进，加饮品同落墨鱼滑都有人帮，又会同个仔玩下，。而味道方面都十分满意，生蚝好大只新鲜，牛小排好香牛味，系新鲜牛肉，鸡肉同滑牛调味都唔错又滑。美中不足系响铃应该唔系即炸，唔够香脆。最后埋单四个人食一千八百几，价钱唔平，但服务同食物质素都好，都算系物有所值。