影片
更多
2021-07-10
2220 浏览
朋友早前请我食呢间出名食omakase嘅高级日本料理鮨吟作为生日饭，好开心呀🥰🥰又可以见识下专业寿司师傅嘅手势同唔同日本最新鲜最刁钻嘅鱼生。呢度位于耀华街Zing嘅27楼，可以坐系席前食，睇住师傅逐件寿司准备，仲有前面开扬嘅景色，店员服务都好贴心，简直系一流嘅享受～寿司12贯今次叫咗12贯嘅寿司套餐，虽然唔系omakase，不过$500几蚊嘅价钱，有齐前菜、沙律、寿司、手卷、面豉汤、茶碗蒸同甜品，好丰富😻寿司嘅质素好高，师傅亦都好详细咁介绍每款寿司嘅款式同配料，绝对可以媲美omakase，性价比高👍🏻鳕鱼片、腌渍鱼生粒、沙律一坐低就有啲鳕鱼片可以食下，点蛋黄酱几好食，前菜混合唔同款式切成粒嘅鱼生，三文鱼、螺肉、吞拿鱼等都有，加埋酸酸甜甜嘅酱汁开胃，沙律嘅酱汁就有点多，咸咗啲。九州花竹虾、带子、金目鲷、深海池鱼+蒸𩽾𩾌鱼肝酱、池鱼军舰、酱油渍赤身、中拖罗、白海胆军舰、鲭鱼棒寿司、鲣鱼、炙烧右后鱼边、炙烧赤鯥鱼12件寿司每一件都几高质😋😋仲可以因应喜好同饮食习惯有所调整。花竹虾鲜甜弹牙；带子好厚肉。池鱼切成丝后混和姜葱酱汁，味道几特别😗中拖罗几鲜甜不过无入口即溶嘅油脂感，比较普通。白海胆军
寿司12贯
今次叫咗12贯嘅寿司套餐，虽然唔系omakase，不过$500几蚊嘅价钱，有齐前菜、沙律、寿司、手卷、面豉汤、茶碗蒸同甜品，好丰富😻寿司嘅质素好高，师傅亦都好详细咁介绍每款寿司嘅款式同配料，绝对可以媲美omakase，性价比高👍🏻
鳕鱼片、腌渍鱼生粒、沙律
一坐低就有啲鳕鱼片可以食下，点蛋黄酱几好食，前菜混合唔同款式切成粒嘅鱼生，三文鱼、螺肉、吞拿鱼等都有，加埋酸酸甜甜嘅酱汁开胃，沙律嘅酱汁就有点多，咸咗啲。
九州花竹虾、带子、金目鲷、深海池鱼+蒸𩽾𩾌鱼肝酱、池鱼军舰、酱油渍赤身、中拖罗、白海胆军舰、鲭鱼棒寿司、鲣鱼、炙烧右后鱼边、炙烧赤鯥鱼
12件寿司每一件都几高质😋😋仲可以因应喜好同饮食习惯有所调整。花竹虾鲜甜弹牙；带子好厚肉。池鱼切成丝后混和姜葱酱汁，味道几特别😗中拖罗几鲜甜不过无入口即溶嘅油脂感，比较普通。白海胆军舰好出色🤩🤩🤩成座海胆山咁铺系军舰上面，食落极鲜甜肥美又creamy，令人回味🥰本身我唔食鲭鱼都觉得个棒寿司好impressive👍🏻皆因高质素嘅鲭鱼系一啲腥味都无，面头铺咗白昆布，中间仲有紫苏叶，味道层次丰富，好食。鲣鱼加上白子蒜片，蒜味比较浓郁我自己就麻麻地，钟意食蒜嘅人就啱。右口鱼边经过炙烧之后油脂出晒黎，入口即溶，口感丰腴；赤鯥鱼都系第一次见，有微微油脂感但就相对弹牙。
葱吞拿鱼手卷
食到好饱之后仲有个好足料嘅手卷，吞拿鱼蓉多到漏晒出嚟🤣🤣
茶碗蒸、面豉汤
食完寿司点都要食返啲热嘢，茶碗蒸面头有新鲜蟹肉，入面仲有白果同带子粒等，蛋好滑不过面头芡汁太多有啲咸😅面豉汤入面有好大粒蚬。
雪糕／雪葩
雪糕可以拣杏仁／咖啡味或者柚子雪葩，咖啡味唔够浓郁。
人均消费：$600
推介指数（10分为满分）：8.5分
张贴
