Food Combo (已結業)

屯门区V City 附近一个新楼盘地下开左两间食肆，今日试左Food Combo, 装修光猛舒服，坐位唔太逼，坐得松动。食物选择多，价钱唔太贵，几十蚊有交易，最特别系饮品自助形式任饮，仲要系几特别嘅热圆肉杞子姜茶，照顾到钟意养生饮热饮嘅人士，呢个简直惊喜。另外两款冻饮系香橙薄荷叶水及冻柠檬茶，系而家日日高温嘅情况下的确可以消暑。午餐有8至10款选择，我拣左芝士蕃茄牛肉焗饭$68 用镬仔上，好热芝士好香，蕃茄同牛肉份量都好多，以价钱嚟讲系抵嘅。另外叫左个葡国鸡饭$54蚊，鸡扒肉有1. 5块，仲要煎到脆皮，仲要洒上椰丝加上薯仔够稔份量又够，抵食。