至尊滿屋日本料理 (已結業)

忽然好想食放题，朋友话呢间放题质素唔错，即刻book位试吓啦。一入门口已经见到琳瑯满目既饮品，真系你讲得出既都有，仲有个好大个甜品柜，好多选择。坐低即刻落单叫刺身，刺身都好新鲜，够晒冻，特别推介虾刺身，好鲜甜，啖啖肉。朋友重点推荐呢度个海胆手卷，果然好食，海胆无怪味，入口即溶，手卷细细个，食几个都唔怕。牛舌有惊喜！爽嫩有嚼劲，肉味自然，整体属水准之上！蒜片炒牛粒都好有水准，唔系平价货。天妇罗即叫即炸，热辣辣劲好食。蕃薯仔够甜够软烧虾甜品劲多选择，系出面个甜品柜到拎，虽然好多人左拣右拣，但职员补给都好快，疯狂扫食！仲有特别口味既雪糕，超正。二百几既放题，意外地每道菜都好有水准，绝对值回票价。