新泰東南亞餐廳 (已搬遷) 新店位置

见到openrice呢间餐厅咁多好评，所以就决定过黎试下啦。餐牌上既套餐非常丰富，我地一行4人，所以就叫左个4人套餐。拼盘(虾饼、鱼饼) - 外脆内软，鱼饼同虾饼都加左d香草，更添泰式风味。加埋d泰式酱汁，酸酸甜甜咁。串烧沙嗲鸡、牛、猪 - 烧得好香，同埋外层脆脆地，但入面d肉仲保持到嫩滑。加埋沙嗲酱更加惹味，而且又唔会太辣。烧猪颈肉沙律 -  猪颈肉整得几好，外皮脆脆地又香。系好食既，不过个人觉得有d辣，食唔到辣既朋友可能食唔到。咖喱虾配蒜茸包 - 都几多虾，咖喱系属于甜咖喱，不太辣。蒜茸包都脆既，虽然蒜茸味不算太重。泰式炒金边粉 - 炒得好香，而且条条分明，唔会话好多油。‘冬阴功炒饭 - 海鲜都几多几足料， 食落唔算太重冬阴功味，可以再辣d食物质素ok，环境都几好，不愧为openrice热门食店。