影片
更多
2019-09-18
163 浏览
一直想去鮨蕾，皆因佢主打既Omakase由厨师发办，今日放早一于去试下佢～餐厅地方好阔落，近窗边系2-4人枱，亦可以亦坐围住厨师既Bar枱，我地选左Bar枱，可以睇下厨师制作过程～我地点左6道菜既枫Momiji，先奉上小食炸芋片，店员每道菜都会简单介绍，唔洗我地估估下～讲番个芋片，系自家制，食落一d都唔油腻，仲好香脆可口，芋头味微微渗入口中！前菜系由山桃渍，黄金栗子🌰同日本京都著名既腐皮组成，鲜红既山桃渍，入口酸酸地同梅子一样，栗子够香甜、清香扑鼻，而腐皮系冻食，配上食用菊花，够滑之余更加加添一份花香味～刺身今日系由新鲜𫠒红鱼同拖罗做主角，一路睇住厨师系碟面上似画画一样，的确系视觉上享受，奉上既时候，会闻到一阵阵柚子清香，𫠒红刺身新鲜，肉质爽口、鲜美！另外海胆拖罗油脂丰富，肥美入口即溶，两款刺身，我都无点到豉油，只系加少少wasabi 同碟旁既酱汁入口，完全唔觉腥味，反而更突出鱼刺身既鲜美～烧物系自家腌制既银鳕鱼，配上渍物红荞头，银鳕鱼肉质唔会散，因为腌制过关系，入口食得出有甜甜既味道，钟意亦可加少许沙律酱～呢道烧味好出色～寿司🍣同样由厨师发办，件件即制手握寿司送到你面前😋打头阵系镇店
餐厅地方好阔落，近窗边系2-4人枱，亦可以亦坐围住厨师既Bar枱，我地选左Bar枱，可以睇下厨师制作过程～
我地点左6道菜既枫Momiji，先奉上小食炸芋片，店员每道菜都会简单介绍，唔洗我地估估下～讲番个芋片，系自家制，食落一d都唔油腻，仲好香脆可口，芋头味微微渗入口中！
前菜系由山桃渍，黄金栗子🌰同日本京都著名既腐皮组成，鲜红既山桃渍，入口酸酸地同梅子一样，栗子够香甜、清香扑鼻，而腐皮系冻食，配上食用菊花，够滑之余更加加添一份花香味～
刺身今日系由新鲜𫠒红鱼同拖罗做主角，一路睇住厨师系碟面上似画画一样，的确系视觉上享受，奉上既时候，会闻到一阵阵柚子清香，𫠒红刺身新鲜，肉质爽口、鲜美！另外海胆拖罗油脂丰富，肥美入口即溶，两款刺身，我都无点到豉油，只系加少少wasabi 同碟旁既酱汁入口，完全唔觉腥味，反而更突出鱼刺身既鲜美～
烧物系自家腌制既银鳕鱼，配上渍物红荞头，银鳕鱼肉质唔会散，因为腌制过关系，入口食得出有甜甜既味道，钟意亦可加少许沙律酱～呢道烧味好出色～
寿司🍣同样由厨师发办，件件即制手握寿司送到你面前😋
打头阵系镇店鲷鱼寿司，配上紫苏苏同梅酱，肉质鲜嫩结实，油份较少，更加爽口，配上紫苏叶入口阵阵独有香味～
季节性秋刀鱼，鱼面烧左一烧，再加上葱冲，烧一烧令鱼味更突出更香，不过呢款有微微腥味～
海胆寿司，紫菜极脆，海胆新鲜，入口鲜甜，味道齿颊留香！
牡丹虾寿司～
吞拿鱼用酱油腌左几分钟，肉质更加滑，颜色深红，入口的确嫩滑无比～
店铺特色寿司之一熟成拖罗，配上紫苏花，入口极快溶化，味蕾一大享受～
玉子寿司，睇黎好似海绵蛋糕，好松软，入口巳经食左微微既衔尾，加有少许鲜甜，咁松软原来入面系由鱼同虾打成胶再拎去局，而且无加任何面粉，好意外惊喜，出色之作！
面豉汤加入鱼汤调制而成，味道唔单单只有咸味更有浓郁既鱼香味，加有蚬肉，更加鲜甜！
最后由静岗蜜瓜同晴王堤子作结尾！
厨师司傅会跟随我地食用既速度上菜，大家有倾有讲，亦会每道菜讲解，好似加上紫苏叶既用途，点令道菜味道更突出，令食物提高质素，更突出本物味道的确系一门学问，今晚除左食亦学左唔少～
会不停更换暖毛巾作抹手之用，冻左既茶亦会即时换上新一杯，非常贴心～繁忙工作后想好好地享受晚餐，鮨蕾的确系唔错选择～埋单登记App做会员即时有95折，仲有储积分优惠架
张贴
