魂燒 (已易手) 新餐厅

太子不嬲多野食，今日就去左朋友介绍既魂烧居食屋。经得朋友介绍，食物质素应该唔差挂。今日就试试佢系咪真材实料先。呢间居食屋，虽然铺面唔算大，可以选择露天或者铺入面进食。咁我地唔食烟既，就紧系选择喺铺入面食喇，贪佢有冷气丫嘛。铺内都有唔少小摆设，有日本风味。亦有几支日本吟嚷。叫左两串串烧，翠玉瓜同秋葵。其实烧得唔错，岩岩够火喉，不过我就唔太好烧菜。主菜黎喇，呢个王牌原版海胆蛋黄饭，系必食推介。虽然邪恶，但佢蛋黄浆坚系有蛋香而唔油腻，日本蛋果然系唔同啲。海胆唔使讲，一个字，新鲜好味! 冇后悔叫呢个饭。根住叫埋呢个邪恶2号鹅肝极上牛小排饭，点解鹅肝可以咁入口即溶既，点解牛肉可以咁软熟唔韧既, 成碗饭油香出晒黎，真系肥几磅都济。丫，提提你地，牛肉份量几多下，抵食。叫左一只大虎虾，唔使讲都知大。加左少少辣粉烧，好惹味呀～最黎连壳都损埋。虾头有膏但唔多而虾肉够实，系新鲜既。最后当然要叫埋甜品喇，平时唔多食既南瓜雪糕。估唔到食落口感非常丰富，好似食紧南瓜蓉，又好似雪榚咁。最紧要唔太甜，仲好大个，都值得一推架。估唔到我呢位朋友介绍又唔错㖞，既抵食，又好味，位置又方便。番卓几会大增呀