牛涮鍋 (已結業)

今晚一早book咗九龙湾牛涮锅同家人食饭，一来疫情似乎又渐趋严重，唔知会否再会影响堂食，二来亦顺道同老豆庆祝父亲节。确认要日本黑毛和牛餐及拣选好汤底后，就入座开始2小时的体验。我地第1 round除咗主力日本和牛外，亦落咗少少澳洲和牛等家人可以比较下分别。无可否认日本和牛的雪花远比澳洲和牛吸引。除牛肉外，几款放题包括的六品海鲜水准亦几好，尤其系虎虾，广岛蚝，帆立贝等，质素都满意！饮品方面的选择其实唔少，不过如果可以有“无糖“的系列以供选择会更好。甜品主力有软雪糕提供，食落并唔会太甜。另外仲有泡芙及芒果大福。整体牛涮锅的食物质素高，我同家人都好满意！题外话，只系有一个小意见，原来如果4人想要每人一锅，订位时需要预先提出。我地并无提出，所以只可以4人一锅，但可以选择2种汤底。仲有，攞饮品及软雪糕的空间太细啦，经常发生挤迫及轻微碰撞的情况，大家要小心！