嵐山日本料理

营业中

休息中

美食一条街嘅尖沙咀棉登径，有唔少餐厅选择，当中有好多都系日式餐厅。最近有网友介绍 "岚山日本料理"，依间嘅刺身由日本空运直送，鲜甜美味，同埋手打乌冬都唔错架。入到餐厅，感觉日本居酒屋风格，墙上挂画充满日式风情，设有吧枱及2人或4人枱，可享有不同餐饮嘅体验。餐厅主打各类嘅刺身，由日本空运直送，串烧同样做得出色。餐牌上寿司定食、鱼生丼、蒲烧鳗鱼饭、安格斯牛肉饭、北海道黑咖喱吉列什锦饭、鹿儿岛黑豚肉泡菜㶽烧乌冬等等，款款吸引。厨师精选特上寿司定食      $328寿司摆盘精美，非常丰富，有8款不同食材，大拖罗、日本海胆、帆立贝、牡丹虾、左口鱼、油甘鱼、季节鱼、葱花吞拿鱼腩蓉小卷，刺身非常新鲜，味道甘香，寿司用上赤醋饭，调味啱啱好，够入味，食起嚟饭粒软糯带微酸。依个定食仲有沙律、茶碗蒸、渍物、味噌汤，沙律翠绿鲜爽，茶碗蒸口感幼滑，茄子渍物带少少醋酸味，好开胃，味噌汤饮落顺喉。纲烧安格斯肉眼扒配白饭      $188肉眼扒外皮焦香，内里juicy，牛味浓郁，带少许油脂，口感软腍充满牛香，淋上自家制酱汁，配搭香葱同炸干葱与白饭一齐食，非常惹味。跟餐有茶碗蒸、沙律及味噌汤。最后仲有雪米糯做甜品，