高流灣海鮮火鍋

营业中

休息中

一直听闻高流湾海鲜火锅店食物高质，但价钱唔平，所以一直未试过。今晚公司同事请食饭，好开心食到一次高质火锅，好味推荐。汤底选择海鲜锅 (超多海鲜，有虾、蟹、蚝、九肚鱼)。汤底好甜，汤都饮咗几碗😆象拔蚌刺身，新鲜好味，灼5下左右最正，超甜限量顶级本地新鲜牛肉x2 + 顶级金钱牛展 。同事系熟客，所以预先预留靓牛2碟。顶级牛肉真系好有肉味，而且一碟有唔同嘅部位，赞👍🏼牛展厚度适中，有咬口，都好味。珊瑚蚌（图上）桂花蚌（图下），2样都爽爽脆脆，同海鲜锅超夹，好味。哗鬼虾条（图上）水上飘飘（图下）。哗鬼虾条系虾胶壤油炸鬼，再加蟹子。将蟹子𠮶面向下渌1分钟就食得，好鬼好味，好食到叫多1碟😋水上飘飘系墨鱼胶壤鱼肚，食材矝贵啲，所以价钱都贵1倍😆放汤渌5分钟就食得，墨鱼胶填满鱼肚，好弹牙好味。但性价比嚟讲，我会推荐哗鬼虾条。仲点咗以下食物(手打墨鱼丸、牛筋丸、水饺、冰豆腐、豆苗、茼蒿、响铃、炸鱼皮、出前一丁同乌冬）。水饺超好味，我食咗2粒，大推。其他就正常火锅料。唔推荐点炸鱼皮，太碎湿湿。最后，7个人埋单食咗$4xxx。系贵但超饱超满足。多谢同事款待。