牛舞日本燒肉‧涮涮鍋放題 (1亞太中心) (已結業)

前几日去开观塘，朋友想食烧肉，而我就想打边炉，咁啱喺亚太中心经过见到有间牛舞嘅日本放题餐厅，既有烧肉又有打边炉，于是就同朋友试吓🤤想食边炉嘅我叫咗秘制麻辣汤底，呢个汤底真系正，够辣又够香，唔错😍特别强调放金菇牛肉卷落去系超正，牛肉新鲜，金菇吸晒啲汤底，越食越想食😋朋友拣咗日本萨摩和牛拼盘，呢个贵价牛真系物超所值，因为有唔同牛嘅部位，肉质有分别，但所有牛嘅油花纹理好靓，分布均匀，牛肉味浓郁，朋友都不断加单😜另外，因为想食鸡 ，所以就分别叫咗鸡腿肉、烧肉汁鸡中翼同韩式辣酱鸡中翼，全部都好好食，无雪味，特别一提佢地个烧肉汁同韩式辣酱超好食，必试😆 仲有order咗猪大肠、牛腹肉、牛肋肉，全部都劲新鲜，大小刚好，好易烧熟😙😙😙另外，叫咗厚切豚腩肉，包生菜一流👍🏻小食就叫左牛油清酒煮蚬，啲蚬肥大肉厚，鲜甜味美，食落去完全无沙，配合牛油清酒，味道丰富，令人回味无穷🤩