坂奈 (已結業)

听朋友介绍铜锣湾开咗间烧鱼专门店，所以决定去试吓。餐厅邻近铜锣湾地铁站， 位置非常方便。装修好有日本居酒屋感觉，座位大约十几个。餐牌上有好多选择，净系鱼都已经好多种类，因为选择实在太多所以决定叫师父推介。柚子X梅洒甜甜地，好易入口。柚子X柠檬酒酸酸地，好清新。萤光鱿鱼冲渍有好香嘅鱿鱼味，酱油味浓，做下酒菜一流。食紧萤光鱿鱼嘅时候闻到烤鱼嘅香味，开放式厨房可以望到成个烤鱼嘅过程。前菜已经非常丰富，沙律菜翠绿新鲜，刺身亦非常鲜甜。烧BB喜之次，系生长于深海嘅幼鱼，非常珍贵嘅一种鱼，外皮干脆，肉质嫩滑，虽然细细条但好多肉。吞拿鱼额顶柳半熟烧，即系鱼嘅额头，每条吞拿鱼只有两小块亦都系非常珍贵，表面用火炙过，表面有焦香，咬落油脂充满口腔，入口即溶。香港专门吃日式烧鱼店舖并不是随处可见，而且所有鱼直接由日本订购，绝对值得一试。