阿爺燒鵝餐室 (已結業)

今日自己一个黎左西湾河呢边做野,因为太忙,搞到LUNCH都冇时间食,3点先可以放饭。行到筲箕湾道见到阿爷烧鹅餐室,终于可以试到呢间人气烧味店。我叫左一个一人餐,烧鹅乳猪饭配上汤油菜一碟包饮品。呢到既烧鹅都系用先熏后烤既方式,所以烧鹅做到皮簿又脆,肉质嫩滑,又保存到肉汁嘅口感。烟熏味唔会抢去鹅本身既味道,鹅肉既香味都保存到,非常高水准。乳猪亦非常唔错,皮脆肉嫩,层次分明。上汤油菜,上汤清清地唔错。除左蚝油之外仲有少许炸蒜调味。最后叫左杯冻奶茶,都几滑有茶味。