鮨政 (已結業)

呢间位于旧大街嘅寿司店系香港仔少有嘅正宗日本寿司店，店内嘅师傅都系日本人，入去已经见到师傅同日本客人系到倾计~由于我地系平日中午去，所以有lunch set选择，我地分别叫左:杂锦鱼生饭定食，呢个定食有沙津、炖蛋、乌冬同鱼生饭，鱼生饭内嘅油甘鱼同三文鱼新鲜肥美，带子大粒，甜虾虾肉饱满，海胆亦鲜美，特别赞赏睇落平平无奇嘅酸姜，腌嘅味道唔会过酸亦唔会太甜，味道刚刚好，配上蟹子同饭一齐食，味道一流。赞歧乌冬食落烟韧，同系日本食无分别，配上葱粒同天妇罗脆脆令乌冬食落更有口感，整个定食食完好满足。鳗鱼饭定食附有沙津同炖蛋，定食嘅鳗鱼份量绝不欺场，每片馒鱼都非常厚肉，加上鳗鱼烧汁同芝麻只睇卖相已经令人胃口大开。鳗鱼放入口中松化，口感弹牙，慢慢咀嚼鱼味突出，配合烧汁令口中留有甜味，配搭白饭简直一绝。店舖职员一见到我地无茶就会帮我地倒，服务态度殷勤，麦茶味道好香好好饮，临走前见到原来呢度嘅饭系用北海道嘅米，食鱼生饭时食到师傅系用暖饭已经觉得好贴心，呢d小细节令我对呢间店舖加分！