發哥粥底海鮮火鍋 (已結業)

于其食200零蚊嘅放题，不如试下食200零蚊嘅粥底火锅。其实食物份量都系差唔多可以食到好饱。是次同朋友嚟到位于观塘嘅发哥粥底火锅，呢间粥底火锅午市会做冰室晚市则会做火锅。呢度唔算多人七点松啲入嚟都会揾到位。而且座位宽敞舒服，绝对系放工入嚟倾下偈食下火锅嘅首选。食物方便， 主要以套餐为主，个个入咗呢都系会食粥底火锅。同两个朋友拣咗一只蟹同埋半只龙虾做粥底火锅配料。建议大家拣蟹因为个粥底 真系会鲜味好多。所有食材都非常之新鲜，清洗得有干净。特别提一提如果你拎豉油的话，记住加埋佢哋嘅爆蒜油。佢哋个炖汤超好饮不过可惜一人一碗。其他饮品都可以任饮，仲有竹蔗茅根。所选菜式份量十足，真系高质。当你食完所有嘢之后可以侍应加湿饭，顺利成章会变成一个非常鲜味嘅粥。