芋圓一 (已結業)

早前系Facebook见到介绍呢间芋圆小店，已经好想黎试，但一直都唔得闲，今日同女朋友终于抽到时间黎食，果然无介绍错！呢个芋香仙草芋圆好少见，入口已经有浓浓既芋香味，亦有出乎意料多既芋圆，平时起其他店只系得几料，但呢度几乎每一啖都食到芋圆，完全系真材实料！芋圆亦有少见既栗子芋圆，图中啡色既就系栗子芋圆，栗子芋圆有淡淡既甜味亦食到有栗子既香气，烟烟韧韧 ，估唔到食落都几match至于我叫既爱文芒果甘露芋圆就系六日限定，食落去有好香既爱文芒果味，爱文芒果同其他芒果既香味系好唔同，爱文芒果系有种好独特既果香味，食果肉时肉质滑而无渣，是确确实实既爱文芒果肉，绝无欺场！而柚子果肉可能唔太当造既关系，食落有少少苦，呢个要扣少少分，但比既柚子肉同样多，非常足料！用38蚊既价钱食到呢个质素，性价比非常高！下次必定会再黎食，希望唔会有退步！