方叔叔重慶老火鍋 (PopCorn 2) (已結業)

放入咗去將軍澳探表弟，同佢去咗商場食嘢，PopCorn 2嘅方叔叔重慶老火鍋以火鍋為主的川菜店，食物美味之餘仲可以揀半份，價錢公道，店員的服務及環境都獲得不少食客讚賞。而家仲有優惠，餐廳6月份推出激減優惠，凡正價消費滿$200即送$100現金券於下次消費使用，下次消費亦是每消費$200可使用1張減$100優惠券，無封頂使用，記得套餐不能使用。入座之後，店員送上雪耳糖水，潤下喉嚨先開始食火鍋。必食招牌「麻辣鴛鴦鍋」麻辣加大骨滋補鍋：麻辣揀咗普通辣,味道同辣度都啱啱好。奶白色的大骨鍋湯底，香甜濃郁。美國桶蠔雪白細滑，肉質肥美。白鱔片口感爽彈，味道鮮甜不腥。黑豚腩肉：口感柔嫩，一咬落肉汁香甜四溢，肉味香濃。手打魚籽蝦滑：用新鮮蝦手打成蝦滑，加上少許魚籽，口感爽滑彈牙。鴨血：滑嫩很軟，口感像果凍。大刀豬腰片：鮮豬腰片成薄片，輕輕一灼，囗感爽脆冇異味。潮汕手打牛筋丸：牛味香濃、彈牙爽口。長城小白豬午餐肉：火腿花和肉泥的完美比例，較其他午餐肉澱粉含量低。口感豐富、充滿質感。鮮滑魚麵：口感爽彈有魚嘅鮮味。