餃掂手工餃子雲吞專門店

新都城商场入边2楼food court开咗林林总总嘅餐厅，真系要试吓呢间饺掂。酸酸辣辣嘅云耳为呢一餐打开序幕，云耳唔算话非常之辣，但起码可以醒醒胃，爽脆可口。见到啲饺子只只都非常之饱满，尤其呢一个寿喜烧牛肉饺配埋九鼎汤，非常之清甜，亦都饮得出好足料，配埋汤入边嘅寿喜烧汁同埋妓滑嘅牛肉相映成趣。芫荽猪肉饺呢就一定系要食煎嘅，芫荽嘅香气配埋饺子皮嘅香脆，加埋满满嘅猪肉，非常之幸福。粟米猪肉呢就好清甜，一口咬落去，粟米d汁吱晒出嚟，亦都系加上嘅猪肉，十分之清新。另外都嗌咗个四川粉皮，粉皮非常之滑溜，加上佢秘制嘅酸辣汁，同埋上边有少少花生碎做点缀，真系几十蚊就已经食到大使级嘅食品。