鮨廷 (已結業)

估唔到喺尖沙咀嘅地舖都會識到個咁正宗嘅壽司，呢一間sushi sooshi雖然位置比較少，所以都等咗一陣先可以入座。但食物嘅質素的確係水準之上。今日我哋叫咗多款唔同嘅壽司，特別推介呢度嘅大吞拿魚腩壽司每件係$48，大toro質素極高，油脂入口即溶，同埋壽司飯食個水準拍得住喺日本。另外帆立貝壽司每件都係$25，帆立貝嘅size係中等，入邊已經有少少既Wasabi，所以師傅即製俾你之後其實已經可以即刻放入口。👍甜蝦壽司都係我哋覺得好值得推介，一件係$28。覺得值得推介嘅原因係因為呢度嘅甜香係比出邊嘅大隻而且食落好新鮮而且肉質鮮甜。除咗壽司之外，呢度嘅鰻魚手卷$30同埋油甘魚手卷$35都好正。鰻魚口感鬆軟而且個鰻魚汁極都調得唔錯👍下次應該會再返嚟食。