Pan da Cafe

营业中

休息中

放假去西贡玩水，玩完喺市中心食完嘢先返屋企。见到呢间cafe嘅装修好靓，怀旧风嘅摆设同设计勾起唔少童年回忆，一于就入去试吓。佢哋嘅食物选择都好多。我哋叫咗一份美国和牛冧扒。肉质好嫩滑，充满肉汁。大大块好够饱，仲有送埋意粉。蜜烧猪髀骨质素都唔错。肉质好易咬，而且猪肉索晒啲香甜嘅酱汁，𩠌饭就最啱。甜品方面，我哋叫咗一份苹果酥卷同埋一份柠檬挞。苹果酥卷焗得好香脆，里面嘅苹果馅酸酸甜甜，仲有好香嘅玉桂味。柠檬挞唔会好甜腻，有阵阵柠檬嘅清香，大人细路都啱食。