長洲薄餅

营业中

休息中

今日趁个天气几好就入左长洲行下，玩到咁上下就去左呢间《长洲薄饼》食啲野。今日餐汤系南瓜汤，入口南瓜味十分之浓，食得出系真材实料咁打出嚟，个cream,亦令个汤更加顺滑，汤上面有啲唔同既配料同香草，令个汤更多一份层次。薄饼就叫左个长洲薄饼，用料以海鲜为主，比起坊间既海鲜薄饼更加新鲜鲜甜，薄饼亦烤得十分之松脆，热辣辣咁真系好正。意粉选择左Carbonana，个汁调得啱啱好，每条意粉都挂到个蛋黄汁，而且烟肉唔会过干过软，食起上嚟唔会死实实，咸香味亦令个意粉更香。而且意粉上面唔会落太多芝士粉，同时提供芝士粉俾客人自由咁落，同时满足到喜爱同唔喜爱芝士粉嘅人呢。