聚福樓 (已結業)

放工约咗旧同事入屯门食饭，今次呢间都算隐世小店，位置唔系喺屯门市中心𠮶边，而要喺屯门西铁站再转接驳巴士再入去...不过都系几个站就到...我地一早book咗枱，所以一去到就有位，眼见有唔少人都碰门钉，因为店舖嘅位唔多，所以预约会比较好啲！我地两个女仔食量唔多，只系点咗一份猪，一份牛，再加个沙律，佢啲名改得好特别㗎！叫小猪仔好慢好慢咁打排球同纽西兰妈妈慢慢煮肉眼！几有心思！喺等上菜同时，发现原来有个self service位，唔错！冇几耐个沙律同主菜都嚟咗，三碟份量都好多，个牛扒好淋身，我叫咗七成熟，唔会太熟而好un....最值得欣赏嘅就系佢喺牛扒上有个香草牛油，可以慢慢溶落个块牛扒度，另外个猪仔骨应该慢煮关系，好淋身，好易切，而且系咁大块都好入味，值得一赞！而且有大量sweet potato chips 伴碟，食到好饱！总括嚟讲，呢间店舖虽然唔系市中心，但相对价钱较便宜，而且睇得出用心制作，所以，有机会会再嚟食多次！