Aroma Dessert Cafe (已結業)

一向唔喜好素食嘅我，朋友专登带我去荃湾试下，今次去到间以卖甜品为主嘅 “Aroma Dessert Cafe”小店门外布置精美，放上不少绿色植物。门外餐牌主力介绍甜品为主。内里环境唔大，坐位有限，迟少少黎都要等位。有6款素食午餐，收费都只是$45，另加$5可配饮品(冷热饮、特饮系列、果茶)。1. XO 酱素肉杂菜炒乌冬伴太阳蛋($45)。店员落order 时好细心问要全熟蛋定半熟蛋。素食XO 酱好味，乌冬炒得干食，素肉同样美味，加上紫菜碎，好有日式风味2. 蕃茄数肉蘑菇意粉($45)，素肉同蘑菇份量多，意粉软硬度适中3. 加$5 特浓朱古力，朱古力味浓郁，同样高质4. 原味窝夫($50)，连雪糕，窝夫即叫即整，加上生果，再配上忌廉及焦糖，十分美味5. 厚 Pancake 伴海盐芝士卡士达酱($68)，同样即叫即焗，Pancake 入口即溶，有啖啖海盐咸味，口感够松软，再配上云呢拿雪糕确一流。整体来讲，店员服务态度好同细心，午餐价钱优惠，食物水准高，值得推荐。