七輪燒肉 (已結業)

坚尼地城多咗好多嘢食，在地铁站旁边有一间烤肉店，叫七轮烧肉，入左去试试，原来系一间食日本牛同埋美国牛嘅好地方。不过，入到去，第一时间俾个餐牌吸引嘅系一只大龙虾，价钱只系百几蚊，原只上，上嘅时候佢仲识得郁郁下，真系好新鲜，而且都几大只下，超级抵食！龙虾个头好多膏，食完之后落埋龙虾秘制配𠮶个油，真系一流，肉质非常弹牙，好鲜呀！除此之外，只眼比一个日本和牛拼盘吸引著，有三款，黑松露和牛柳串，烧完出黎好香！好嫩口！另外就系袖子和牛他他，即系刺身，好高水准，配合袖子嘅味道，正！最后𠮶块叫盐烧和牛柳，最高质呢块，烧左少少底面已经食得，绝对系有入口即溶嘅感觉！本人喜欢食日本嘅牛多啲，至于美国牛因为坊间都有吾少，今次冇试！另外仲叫咗羊扒，我好钟意食羊，价钱好合理，比一般嘅餐厅大块，羊扒烧得耐少少，肥瘦均匀，亦都食得出好有羊味！好满意！整体来讲，呢间食店嘅食材非常高水准，系专食好野嘅地方！