樸生 (已結業)

我呢个肉食动物，日日都多肉零菜，今次我朋友终于顶我唔顺，捉左我去食素！餐厅行简单朴实风，冇话有好特别嘅装潢，但人与人都保留左啲空间，唔会好迫。呢间素食餐厅都几特别，行半自助餐形式。夜晚有三样主菜可以拣，拣完就可以出去任拎野食。主菜拣左素芝士百灵菇石头锅饭，食之前，staff好贴心咁提醒我地，如果想食饭焦嘅话，可以用每张台都有嘅电池炉煮多一阵。自助餐果边仲有啲伴饭材料可以添加，是但拎左一堆，加埋本身啲伴饭到。对我呢个食肉兽黎讲，呢个素食都唔错，好难得。另一个主食，就嗌左个香煎素猪肉流心芝士汉堡扒。汉堡扒食到啲香菇味，加埋中间嘅芝士麻薯口感，唔错！点嫌煎得太油，加埋啲生菜食会更好。呢啲仲有个迷你打边炉，唔算多材料拣，但都系过下口瘾姐。佢嘅流心芝士肠唔错，虽然唔似我地平时食开嘅芝士肠咁香口，但素食可以整到呢个水准，已经好出色。食完饱饱，仲可以食甜品。有芋圆、朱古力挞、麻薯等。自己试左个南瓜挞高质，甜得岩岩好，系我在场唯一忍唔住refill嘅野食。豆腐花略嫌摆得太耐，有出水嘅问题。不过在场有劲多配料可以加。总搭黎讲，质素中上，多野拣，前菜到甜品都可以话有齐，仲要系半自助，唔错！