影片
更多
2023-07-15
1104 浏览
📌 但马屋 (新都会广场) - 葵芳兴芳路223号新都会广场2楼251-255号舖🗓(16/7) 星期六 ⏰ 晚上5:30左右 💈特式：放假去左葵芳行新都会广场，晚饭就拣左呢间但马屋，但马屋系香港都应该有唔少人识，佢其实系同牛阵同一个集团，不过分店就比牛阵少好多，得葵芳/观塘/屯门3间。🥩🍔🌭🌮🥗🥯🥘🍲🍝🍣🥟🍤🍱食物：最近餐厅推出夏祭限定蕃茄寿喜烧，同拉绳抽奖游戏活动，埋单时好彩职员提醒我可以玩拉绳抽奖游戏，虽然奖品就唔系d咩名贵野，但胜左开心玩下，而家等我同大家讲下🍲味道先。🍲🐷北海道梦之大地豚放题套餐 $299 - 我今次就拣左呢个晚市中最平嘅套餐，用餐时间就90分钟，主力食梦之大地豚肉，但套餐都仲会包左可以任食澳洲产长期谷饲牛/严选牛肉/丹麦皇冠豚肉。🥘汤底 - 汤底就系一人一锅的，当然就要拣期间限定嘅蕃茄寿喜烧，清新带微酸嘅蕃茄，配合甜甜嘅寿喜烧汤底，比到一份好夏天feel嘅酸甜开胃口味，佢地上枱时系已经会舖上野菜，而且会用上传统寿喜烧嘅扁铁锅，待烧热后再加入肉，最尾再倒入蕃茄寿喜烧汤汁。另外𠮶个就拣左甘露锅，其实就系平时嘅甜豉油汤底，用嚟衬肉类唔错，而其他汤底系会用返普通
🗓(16/7) 星期六 ⏰ 晚上5:30左右
💈特式：放假去左葵芳行新都会广场，晚饭就拣左呢间但马屋，但马屋系香港都应该有唔少人识，佢其实系同牛阵同一个集团，不过分店就比牛阵少好多，得葵芳/观塘/屯门3间。
🥩🍔🌭🌮🥗🥯🥘🍲🍝🍣🥟🍤🍱
食物：最近餐厅推出夏祭限定蕃茄寿喜烧，同拉绳抽奖游戏活动，埋单时好彩职员提醒我可以玩拉绳抽奖游戏，虽然奖品就唔系d咩名贵野，但胜左开心玩下，而家等我同大家讲下🍲味道先。
🍲🐷北海道梦之大地豚放题套餐 $299 - 我今次就拣左呢个晚市中最平嘅套餐，用餐时间就90分钟，主力食梦之大地豚肉，但套餐都仲会包左可以任食澳洲产长期谷饲牛/严选牛肉/丹麦皇冠豚肉。
🥘汤底 - 汤底就系一人一锅的，当然就要拣期间限定嘅蕃茄寿喜烧，清新带微酸嘅蕃茄，配合甜甜嘅寿喜烧汤底，比到一份好夏天feel嘅酸甜开胃口味，佢地上枱时系已经会舖上野菜，而且会用上传统寿喜烧嘅扁铁锅，待烧热后再加入肉，最尾再倒入蕃茄寿喜烧汤汁。
另外𠮶个就拣左甘露锅，其实就系平时嘅甜豉油汤底，用嚟衬肉类唔错，而其他汤底系会用返普通一人一锅尺寸嘅小汤锅。
🐷 北海道梦之大地豚/丹麦皇冠豚肉 - 我拣呢个餐除左因为价钱平之外，就系对佢地只梦之大地豚肉有兴趣，餐厅有介绍系采用在北海道饲养的铭柄豚，食落口感肉质幼嫩，肉味浓得嚟香，油脂带有点甘甜，油花均匀。但正因为呢只梦之大地豚肉太超班，所以我已经完全忘记左另外𠮶只丹麦皇冠豚肉咩味道。
⭐️之后上网睇返呢只铭柄豚点解会叫做「梦之大地豚」，原来除了佢上乘嘅口感之外，系因为佢含有嘅胆固醇极之低，同埋营养价值高，包含左维生素B1/胶原蛋白，有助改善皮肤/骨骼，同增强免疫力。
🐮 澳洲产长期谷饲牛/严选牛肉 - 我一开始就系用澳洲谷饲牛嚟学人整个寿喜烧锅，呢款牛肉油脂分布均匀，有好香肉味，肉质柔嫩，油腻感比较轻微，唔会食几片就会好腻。严选牛肉就唔算差，但两者比我就一定会偏向拣澳洲谷饲牛。
火锅配料 - 出面自助吧有好多季节性野菜/火锅配料可以攞，比较特别同推荐嘅食材有：秋葵/蟹味菇/紫心萝卜/小鱼轮/虱目鱼丸/心形鱼腐等，其他丸类/蔬菜无逐样尝试，但见到卖相都唔错。
🍉水果/🍨雪榚 - 自助区仲可以攞新鲜水果，包括西瓜同哈密瓜，但讲到回本位之一就不得不提呢度有Häagen-Dazs 雪糕任食，就连最近出嘅柚子柠檬马卡龙新口味都有。
☕️🍵🥤🧋🍺🍷🥃🍹🧉🍾🍶🥛
饮品 : 饮品系自助形式，自行去雪柜或自助区度攞，都有不少款式罐装汽水及茶，净系道地罐装茶都有6~7款。
🍽环境：餐厅座位都坐得几舒服，整体感觉干净整洁，不过餐厅占地唔大，座位亦都唔算多，所以想食嘅朋友就最好预早book位了。
出面酱料区同自助区空间都唔细，而且都keep得好干净卫生，餐厅抽风亦做得算唔错，唔会有好大油烟味。
🤵🏻🤵🏻♀️🤵🏻♂️服务：职员好细心介绍menu上套餐/汤底，亦有指示自助区及饮品摆放位置等等，态度认真唔错。跟餐每款肉都会先上一碟，之后就全程系用QR Code落单，上菜/收碟速度都好迅速，亦无漏单/扣单情况出现。
💰💸价钱：晚市套餐就$300/人就可以食到北海道梦之大地豚肉放题，仲有其他火锅配料/Häagen-Dazs 雪糕等任拣任食，而且佢地呢只豚肉质素真系超班，所以呢个价钱相当抵食。
🐲💬总结：我第一次食呢只铭柄豚 -「梦之大地豚」，觉得真系可以用一试爱上嚟形容，我好少食火锅会狂食豚肉多过牛肉，我应该会为左呢款「梦之大地豚」再嚟帮衬。
推荐指数：❤️❤️❤️❤️❤️
蕃茄寿喜烧
85 浏览
0 赞好
0 留言
北海道梦之大地豚肉
55 浏览
0 赞好
0 留言
澳洲产长期谷饲牛/严选牛肉
40 浏览
0 赞好
0 留言
北海道梦之大地豚肉
29 浏览
0 赞好
0 留言
34 浏览
0 赞好
0 留言
35 浏览
0 赞好
0 留言
张贴
