喜亭軒 (已結業)

天气开始转凉，今晚想去打边炉，但系另一半又想去食烧肉，真系决定唔到食咩好，咁岩上网见到旺角有一间喜亭轩，火锅烧肉都有，紧系谂都唔使谂去食。上网见到筲箕湾都有分店，有机会都会去试吓。.我地拣左美国SRF和牛鸡煲海鲜放题，平日$308未加一。饮品选择多，除左啤酒汽水外，仲有特饮，椰果百香果汁同柑桔青柠汁。酱汁配料自助型式，有十多款不同口味，混酱一流。.🍚 麻辣鸡煲麻辣鸡煲先上，鸡煲酱汁浓郁，香辣惹味，鸡件嫩滑有鸡味，花椒够麻，打开味蕾。.🍚 海鲜拼盘餐厅亦会送一份海鲜拼盘，部分海鲜系一次性。龙趸鱼肉非常厚切，鱼肉白里透红，够新鲜。海虾爽弹，一食就知系游水虾。松露墨鱼滑酿咗入冬菇入边，口感既丰富，又够浓郁。.🍚 美国SRF和牛牛肉油脂非常丰富，油脂感刚刚好，牛肉味亦够浓厚，十分出色的牛肉，无论火锅，抑或烧烤烹调都令人非常满意，回味无穷。.🍚 其他蔬菜方面十分新鲜，尤其粟米够甜，莴笋无渣，我地另外点左一份芫荽，香到不得了。另外每人都有一杯Movenpick雪糕，画上完美句号。