影片
更多
2016-02-11
1984 浏览
今日生日：）同屋企人一齐去山顶食饭庆祝！咁而家就同大家分别讲吓这里的1）环境2）服务3）食物质素同4）价钱第一，环境方面：由于餐厅位于山顶凌霄阁，所以望到好靓嘅香港夜景。book枱既时候预先讲咗要坐窗口位，餐厅方面都安排到俾我哋。环境比较暗，个人认为几有情调，而且更能够衬托出窗外璀璨的景色。室内嘅布置全部都系以Bubba Gump为主题。美中不足嘅系枱之间既距离太窄，如果讲嘢大声少少其实都几骚扰架。第二，服务方面：餐厅有唔少嘅员工都系外籍人士，所以要讲英文。但系佢地都会好耐心咁介绍餐牌上面唔同嘅食物。由于系订枱嘅时候加左remarks ，order 甜品的话佢哋会帮你系只碟到写Happy birthday，而且仲有六七个员工走来同你唱生日歌！好有气氛！服务态度完全系一百分。第三，食物方面： 呢杯应该系类似士多啤梨特饮嘅，只杯系识发光嘅！酸酸地超冰冻，都几好饮。杯系可以免费带走，只限呢款饮品，可以拣红色或蓝色。 士多啤梨芒果沙冰，冇药水味～Good!但系有d酸，夏天饮就又冰凉又开胃la;) 凯撒沙拉，好多cheese！超好味～仲有香脆嘅面包粒，口感更丰富！菜好新鲜而且酱汁唔会
第一，环境方面：由于餐厅位于山顶凌霄阁，所以望到好靓嘅香港夜景。book枱既时候预先讲咗要坐窗口位，餐厅方面都安排到俾我哋。环境比较暗，个人认为几有情调，而且更能够衬托出窗外璀璨的景色。室内嘅布置全部都系以Bubba Gump为主题。美中不足嘅系枱之间既距离太窄，如果讲嘢大声少少其实都几骚扰架。
第二，服务方面：餐厅有唔少嘅员工都系外籍人士，所以要讲英文。但系佢地都会好耐心咁介绍餐牌上面唔同嘅食物。由于系订枱嘅时候加左remarks ，order 甜品的话佢哋会帮你系只碟到写Happy birthday，而且仲有六七个员工走来同你唱生日歌！好有气氛！服务态度完全系一百分。
第三，食物方面：
呢杯应该系类似士多啤梨特饮嘅，只杯系识发光嘅！酸酸地超冰冻，都几好饮。杯系可以免费带走，只限呢款饮品，可以拣红色或蓝色。
士多啤梨芒果沙冰，冇药水味～Good!但系有d酸，夏天饮就又冰凉又开胃la;)
凯撒沙拉，好多cheese！超好味～仲有香脆嘅面包粒，口感更丰富！菜好新鲜而且酱汁唔会太多, great.
炸虾拼盘，应该系呢度既signature dish. 全部都系炸有啲热气...全部都系虾但是每一款都好味有不同口感！一啲都唔会太厚炸粉，只只新鲜爽口！薯条好脆全部都好干身唔会出哂油咁。
烧肋骨，送来嘅时候系未切嘅所以你要自己切，有啲难度。呢碟肉质鲜嫩，出面烧到脆脆地里面锁住肉汁，配以烧烤酱非常有风味！好有水准！
蟹饼成＄200唔太抵食因为只系得两件...但系食得出系用新鲜蟹肉做嘅，我本身唔系太钟意食蟹，对隔离个薯蓉更有兴趣！好滑好creamy，唔会劲重牛油味或太淡。
呢个意粉就应该唔系太多人接受到，因为佢本身呢就系用柠檬汁嘅，唔系开胃𠮶只船而系真系好酸...意粉质感就唔错，如果唔好太酸应该会几好食。
最后就系呢个咁靓嘅甜品：）其实系云呢拿雪糕下面就系朱古力曲奇。美式曲奇嘅做法，外脆内软！啱啱焗好热烘烘嘅曲奇加上冰冻嘅云呢拿雪糕，冰火交融非常之滋味！而且朱古力曲奇嘅甜度刚好。用来结束一餐饭简直系完美啦～～
第四，价钱方面：食物嘅价钱大约$100-$200不等，同食物质素都成正比。饮品方面就$40-$60。总括来讲价钱都算合理，属于中上价位嘅餐厅。
*10% service charge.
*No free parking.
张贴
