藏 (已結業)

昨日妹妹请我来铜锣湾KURA吃庆生饭，整个过程，感觉良好，食物很新鲜，环境很优雅，服务亦好贴心。我哋选咗同一款，接近一千蚊嘅Omakase, 亦选择了坐近吧台前，睇住厨师将一份一份好新鲜嘅寿司刺身端到我哋面前，细细声介绍返寿司刺身嘅名堂。当中包括北海道鲍鱼，甘鲈鲷寿司，好肥美嘅拖罗，帆立贝，海螺刺身，爆羔虾寿司，中拖罗寿司，完美嘅海胆寿司，我特别留意到厨师哥哥喺海胆上边刨咗少少柚子皮，将整件好新鲜嘅海胆寿司鲜味层次提升到更高境界。还有入口即溶嘅顶级和牛，油花恰到好处。仲有煎得好香甜美味juicy嘅鹅肝。一共吃了多款刺身寿司之后，临尾嚟一个浓海鲜面豉汤，最后甜品系一口浓厚芝士蛋糕和清甜蜜瓜。整个过程中，厨师哥哥一路留意住我哋进食嘅速度，每一次都系时间啱啱好，当我哋清空碟上美食，佢就不偏不倚接住送上下一道美食上来。周边嘅服务人员亦都好贴心，不停帮我哋加添热茶。偶然厨师哥哥会同我哋讲下笑，不经不觉，接近两小时嘅午餐就喺咁愉快嘅气氛之下finish。实在系超开心，值得推荐。临走嘅时候我哋仲留意到KURA入口挂咗一幅大概一米乘一米嘅叮当挂画，原来系1000张限量版，左下角仲有藤子不二雄嘅亲笔签名