Ice Puff

营业中

休息中

话说同阿肥食咗餐唔饱嘅晚饭,咁就唯有行吓街周围再兜吓啦,由T.O.P.𠮶边行入嚟旺角中心睇衫,谂住穿过去新之城继续逛嘅,沿途见到呢间开咗冇几耐嘅Ice Puff,见佢鸡蛋仔都有好几款口味,大家都未饱...不如就一人叫一样啦~无论鸡蛋仔同埋格仔饼都系即叫即制,客人都真系需时等候呢~Nutella榛子花生味鸡蛋仔x独有阿华田意式雪糕($54蚊)：我都精挑细选咁拣咗一阵,最后都系要咗我未试过嘅Nutella榛子花生味,呢款口味好似好甜咁,不过讲真出嚟嘅效果真系好好食㖞,鸡蛋仔本身嘅外皮口感够脆,令人一粒一粒食起非常开心。淡淡嘅朱古力酱唔算太甜,相信如果原味嘅鸡蛋仔亦同样出色!鸡蛋仔心并唔系空荡荡,有内馅仲粒粒松软,确实不错。至于加呢球意式雪糕,原因都系莫过于一见到Gelato呢个字我就知道系好东西啦!呢种雪糕系全天然低脂牛奶制造,食咗都唔洗惊肥,每次见到我都欲罢不能,无法抗拒。今次呢度仲有独家嘅阿华田口味,味道浓郁质地滑溜,绝对真材实料［b]阿华田脆脆超厚格仔饼x独有阿华田意式雪糕($58蚊)：阿肥睇嚟都俾阿华田味迷住无论里里外外都叫哂同一款味。超厚格仔饼果然足料,不过论香脆度好似鸡蛋仔较胜