Burgeroom (Fashion Walk)

营业中

休息中

呢晚喺铜锣湾食咗呢间几高质素嘅汉堡包店 除咗牛肉汉堡出色之外 鱼柳都令人好有惊喜☺️餐厅系半自助形式 水同酱汁系可以自己行去自助吧拎 而落单都系用手机点餐 不过店员依然系会送餐嘅😉烟肉芝士牛肉汉堡呢个包嘅馅有牛肉汉堡扒 烟肉 车打芝士 番茄同生菜 系好经典嘅汉堡包组合🍔 牛肉汉堡好多肉汁 唔会系好松散𠮶种 香脆鳕鱼柳蛋汉堡呢个有鳕鱼柳 炒蛋 车打芝士 番茄同生菜 配有他他酱 鳕鱼柳非常有惊喜🐟 鱼柳够厚身之余 仲一啲雪藏味都冇 但系又唔系落咗好多调味料去辟味𠮶种 食得到鱼肉嘅质感同味道 钟意食炸鱼柳嘅朋友一定要试呢个😛芝士旋风薯条薯条好香脆 幼身嘅卷卷薯条本身嘅调味已经好足够 加埋面头嘅芝士酱真系够晒邪恶🍟零系可乐食美式汉堡包店冇可能唔叫返罐可乐啦🥤值得一提 店家会主动将汉堡包切半 令我地食起上嚟一啲都唔狼狈 咁贴心嘅做法真系令呢间汉堡包店加好多分呀😆