佐賀山田 · 涮涮鍋 (已結業)

耐唔耐就好想食打边炉，今日放工咁啱要去AEON买嘢，所以就去咗康怡广场嘅「佐贺山田」食牛牛放题✌🏻我哋拣咗「美牛三重奏」放题，汤底一共有9款选择，我哋拣咗玫瑰花胶鸡白汤同樱花虾沙嗲浓汤，鸡白汤入边有几旧花胶，口感Q弹烟靭，充满骨胶原，全部比我食晒😆肉类同小食用手机扫QR code点餐，丸类同蔬菜就可以自己出去拎。丸类嘅种类有好多，有黑椒牛丸、猪肉丸、芝士鱼蛋、贡丸、麻辣牛丸、蟹籽包心丸、墨鱼丸、墨汁墨鱼丸同芝士肠，推介黑椒牛丸，浓浓嘅黑椒味一啖咬落去爆汁👍🏻蔬菜方面，有苦瓜、豆卜、木耳、蕃茄、翠玉瓜、粟米、薯仔、芋丝、椰菜花等等，食咁多肉一定要食返啲蔬菜清清个肠胃😆我地点咗美国SRF和牛、极品美国牛小排、美国CAB牛坑爪，三款牛肉都各具特色美国SRF和牛油脂分布均匀，入口肉味香浓，肉质软滑稔身，推介👍🏻极品美国牛小排肉质结实而有咬口，油脂较少，越系咀嚼越能带出肉味美国CAB牛坑爪牛坑爪即系牛肋条，肉质稔滑肉爽，油份适中值得一赞系所有追加嘅牛肉都冇漏单嘅情况，嗌几多就上几多💯小食方面试咗枝豆、章鱼烧、炸带子、明太子唐掦炸鸡，推介明太子唐掦炸鸡，刚炸起热辣辣，鸡肉依然保持juicy嫩滑，配