京阪屋 (已結業)

新公司在牛头角附近，有日收工老公接我一齐晚饭，于是在周围觅食。行下行下去到德宝商场，发现里面有个小小food court，入面都有好多提供不同菜式嘅餐厅小店，见到最吸引嘅系有日式串烧嘅呢一间。细望menu，发现食物款式好多，而且价钱都非常之平民化，特别系每日供应嘅套餐，当中烧牛舌便当连纸包饮品及小食，只需要$48！真系非常之超值，于是试一试。由于食物即叫即做，所以都要等少少时间，但绝对值得！因为牛舌份量好多，而且非常厚身有口感，同时都好淋，配埋香料非常惹味！小食亦不马虎，我们点了鸡肉串，有齐三色椒同洋葱，鸡肉一啲都唔嚡，好好味！总括而言系喜出望外的用餐体验，10分推介！