影片
更多
2019-01-31
2129 浏览
有个住晌大埔嘅老友，好耐无见，都差唔多大半年，佢话近半年忙到甩辘，我话有无咁夸呀！卒之，左度右度先度到一晚聚旧，为咗就佢方便少少，攞个中间位，就定晌沙田新城市，又贪其食肆选择多。「Parkview」睇落几有人气，稳阵啲啩，但又唔使点排队，睇过门口嘅餐牌，晚餐都喺百零蚊起表而已，唔贵㖞。内里其实地方颇大，装修唔算话好特别，一般西餐厅格局，但胜在地方企理阔落，又有啲梳化位，感觉舒服好坐。坐定定就再同朋友慢慢研究吓食乜嘢，前菜、餐汤、沙律、汉堡、全日早餐、意大利饭、意大利面、扒类……等等种类嘅散点菜式，仲有埋儿童餐添。而晚餐时段，惠顾饭面或扒类，加$48 / $68就能够变成套餐。正当睇吓睇吓餐牌时，因为老友好想食扒，发觉二人餐仲吸引，一组扒类，一组意大利面 / 饭类，各组拣一款，包埋自家制餐包、沙律或餐汤、甜品、餐饮，视乎所拣嘅肉类定价：$428-$598。此外，仲有一个限定嘅精选推介，澳洲M5和牛肉眼扒套餐，配是日餐汤、餐包、餐饮及Movenpic 雪糕，但定价唔平，每客要$528。但店员同我哋讲，上述二人餐升咗级，餐牌中嘅西冷升级为肉眼，份量同为12oz，咁即喺俾多少少就成为二人餐，谂
「Parkview」睇落几有人气，稳阵啲啩，但又唔使点排队，睇过门口嘅餐牌，晚餐都喺百零蚊起表而已，唔贵㖞。
内里其实地方颇大，装修唔算话好特别，一般西餐厅格局，但胜在地方企理阔落，又有啲梳化位，感觉舒服好坐。
坐定定就再同朋友慢慢研究吓食乜嘢，前菜、餐汤、沙律、汉堡、全日早餐、意大利饭、意大利面、扒类……等等种类嘅散点菜式，仲有埋儿童餐添。而晚餐时段，惠顾饭面或扒类，加$48 / $68就能够变成套餐。
正当睇吓睇吓餐牌时，因为老友好想食扒，发觉二人餐仲吸引，一组扒类，一组意大利面 / 饭类，各组拣一款，包埋自家制餐包、沙律或餐汤、甜品、餐饮，视乎所拣嘅肉类定价：$428-$598。
此外，仲有一个限定嘅精选推介，澳洲M5和牛肉眼扒套餐，配是日餐汤、餐包、餐饮及Movenpic 雪糕，但定价唔平，每客要$528。但店员同我哋讲，上述二人餐升咗级，餐牌中嘅西冷升级为肉眼，份量同为12oz，咁即喺俾多少少就成为二人餐，谂得过啦！
自家制餐包睇样有啲平平无奇，但搣开就知道喺唔同啲，有唔少合桃粒粒，而个包又好软熟，微微暖，诚意十足㖞。
是日沙律小弟就拣咗沙律，食多啲菜健康啲嘛，而是日沙律只喺田园沙律，有啲沙律菜、青瓜、车厘茄咁，捞少少油醋，简单清爽。
酥皮龙虾汤 +＄35是日餐汤喺野菌汤，但友人超钟意酥皮，宁愿加钱升级转为酥皮龙虾汤。个汤做得唔差㖞，龙虾汤够浓香，里面仲有少龙虾肉，而酥皮非常酥脆富油香，友人食到一枱都喺酥皮碎碎。
香煎北海道带子野菌南瓜意大利饭6款意大利面 / 饭中，我哋都不约而同点中南瓜意大利饭。个饭卖相几靓仔，不过，送到嚟嘅意大利饭明显比较干身，缺少意大利饭𠮶份湿润。
还好嘅喺南瓜味好突出，而且，又混入唔少野菌，及刨上好多巴马臣芝士，所以，整体味道喺唔错嘅。
至于件北海道带子，食得出喺刺身级嘅高质素货色，只喺煎得未够香口，有少少近乎食刺身嘅感觉添。
澳洲M5和牛肉眼 (12oz) $59812安士即喺12安士，件肉眼唔止厚，仲有成块面咁大件，而且，煎出嚟睇落充满油香，非常吸引。而酱汁都好特别，分别喺自家制红酒蘑菇酱及法式芥末籽酱。
澳洲M5和牛肉眼
57 浏览
0 赞好
0 留言
先切一小件肉眼试试，落刀已觉得好软腍，切开一睇，肉心仲保持住嫩红色，却半点血水都无，火喉拿捏好，煎到恰到好处，入口真喺松软而富肉汁，无论沾蘑菇酱，抑或芥末籽酱，都令肉香更突出，喺一件高质素嘅肉眼扒，友人更大赞超好食。
伴菜则有点沙律菜、法边豆及烤新薯，好稳阵嘅配搭，不过，啲烤薯望落无嘢，入口干韧，喺焗好后仲摆晌烤炉内嘅结果，焗干晒啲水份。
套餐嘅甜品喺雪糕，但如果对雪糕无兴趣嘅朋友，可考虑+$30改要件装蛋糕，而款式可以睇睇近门口嘅饼柜，是晚就带5款供选择，散点单卖要$58。
金莎朱古力饼 +$30其实，食完都唔喺好理解点样「金莎」法，不过，由底而上，由朱古力海绵蛋糕、朱古力慕丝、朱古力软浆所组成，味道本身其实喺唔错，够晒稳打稳扎。挑剔位喺面层嘅朱古力浆未见幼滑，而且，如果混入榛子碎晌蛋糕内，会否「金莎」啲呢？
意大利芝士饼 +$30相反，呢件意大利芝士饼做到有水准，虽然，又喺无酒味版本，但马卡风芝士打得轻盈柔滑，淡淡芝士配合温和嘅咖啡香，中间嘅手指饼亦够湿润。
特醇黑朱古力奶 +$15不甘饮普通咖茶，大可以加钱转其他特别饮品，友人就点咗一杯黑朱古力奶，外观就平平无奇（其实可以加啲唂咕作点缀），虽然无讲到用咩朱古力品牌，但饮落友人话果然好浓郁，味道带微微甘苦。
盐味焦糖鲜奶咖啡 +$15配甜点，小弟都喺情归鲜奶咖啡，焦糖系嘅更喺小弟心水。但老实讲，杯鲜奶咖啡整体感觉就好一般，虽然入口仍感到醇香，带少少咸味及焦糖香，但口感未见均匀，拉花就明显唔喺专卖咖啡店铺嘅手势喇。
服务方面，确喺几唔错，上菜嘅次序、速度都按步就班，添水、收碟都好到位，食到近尾，店员又会主动问你点咗餐饮未。而食物方面，整体而言，食得出用料喺有质素，好似啲带子、肉眼都喺靓货，不过，烹调上可以做得好啲。
张贴
