醉忘魚屋 (已結業)

铜锣湾登龙街可以讲系一条美食街，喺永光中心有间特色居酒屋「醉忘鱼屋」🏮店面装潢使用咗渔船同海产元素，墙壁挂上好多船桨，营造出一种特色而舒适嘅用餐环境。餐厅以「醉」及「鱼」为主旨，采用新鲜嘅本地、日本、澳洲同埋欧洲等地嘅食材，以传统嘅日式烹煮手法，配合精选美酒，舌尖尽情享受海洋嘅鲜甜，Tasty & Tipsy ，感觉劲好Feel!Lunch Set 跟三款前菜、蟹肉蒸蛋、味增汤同沙律，非常丰富！🔸北海道海鲜丼($188) - 里面有三文鱼、飞鱼子、蟹肉、海虾、北寄贝、海胆、带子等，外观吸精，分量十足，材料鲜甜味美。🔸特上天妇罗盛盒定食（$108）- 可以加$10转稻庭乌冬🍲 每一块天妇罗都炸得金黄酥脆，内部却保持食材嘅鲜嫩同原汁原味。大虾、时令蔬菜都被巧妙地包裹喺脆皮之下，每一啖都让人食到厨师嘅用心。乌冬面条Q弹有嚼劲，汤底鲜美。餐厅另外主打「马友一夜干」，使用传统日式做法，将整条马友鱼以盐腌制，抽走多余嘅水分，然后风干一夜，做法可以进一步提升鱼肉嘅鲜味，下次我一定要再去试吓！