老闆火鍋冰室

营业中

休息中

天气咁冻最啱打边炉暖下身，元朗劲多鸡煲拣，但我都系拣返朋友介绍嘅老板火锅冰室。成间餐厅仿照香港怀旧冰室设计，好有格调。胡椒猪肚鸡窝 半只有得拣半只，2人食啱啱好。汤底浓郁，胡椒味好重，辣度适中，入边啲鸡都好足料，食落好嫩，配料有枝竹猪肚唐芹芫荽。安格斯牛颈脊 小份叫咗小份，但其实份量都好多，雪花均匀，厚薄适中，食落好有牛味。四宝丸小拼盘四宝丸有虾墨鱼丸牛丸猪肉丸，所有丸类都系自家新鲜制，手打肉丸食落好爽口弹牙，完全冇雪味。我最推荐系虾丸食落好弹牙，入面仲有一粒粒虾肉。半分猪润猪润处理得好干净，完全冇异味！全份唐蒿菜类真系要赞下佢$28一份，份量十足比一般酒楼打边炉仲要大啲好抵食！老板水果茶水果茶入边有好多新鲜水果有百香果青柠苹果入口清爽唔会太甜食完咁重口味嘅火锅就要饮佢嚟平衡下啦。