中環茶記 (已結業)

近年港式茶记都开始行d高档路线，再唔系以前认知果种环境嘈吵挤迫，无咩服务既茶餐厅。餐厅灯光好光猛，环境整齐卫生，服务员态度殷勤，入去时仲会提醒你岩岩拖完地，要小心d行。郊外油菜平时出街比较少食到菜，打算叫碟油菜黎食下，点知$18超大份。铁板甜酸虾球双面王双面王煎到好香脆，虾球大只得黎爽口弹牙，加埋个酸酸甜甜既酱，好食得黎又唔油腻。咖喱吉列猪排葱油饼咖喱好重椰香味，夹埋葱油饼食好似食紧印度餐，哈哈。吉列猪扒炸得好香脆，即使淋左d咖喱汁上去都仲食到个酥脆感。炭烧鳗鱼饭第一次见到鳗鱼饭块鳗鱼系可以咁大，鳗鱼烧到色泽均匀，而且好香炭香味。食落外层有少少脆，但内里软绵绵。鳗鱼汁捞饭，正！怀旧红豆冰基本上去得茶餐厅都必叫红豆冰，红豆冰奶味比一般茶记重，但饮落更香滑。原本以为呢d新式茶记价钱会好贵，皆因装修系落足本，而且坐落系中环呢d高租金既地方。但其实$50左右就已经有个饭，中环黎讲真系好平。